الرواية : #كل_ما_أعرف

الكاتب : #علي_قطب

عدد الصفحات : ١٢٦

دار النشر : #دار_العين_للنشر_والتوزيع


"لا يمكن أن تضع إنسانًا تحت طائلة الحاجة ثم تحاسبه على تصرفاته، أنت من رغبت فى الخيانة وليس أنا، لذا أجردك من حق محاسبتى …"


 "علي" شخصية اعتمادية ، ضعيف الشخصية تشفق عليه أول ما تبتدى تقرأ حكايته، يقطع قلبك مع كل طعنة تقابله 


"بمفردى لن اكتشف شيئا دائما أحتاج من ينير لى بصيرتى لأمشى فى طريق سلكه غيرى من قبل، احب الخيارات التى استخدمها آخرون قبلى لأوفر على نفسى المفاجآت التى لاحقتنى رغما عنى"..


ما أنت اللى جبته لنفسك يا " علي " … متعلمتش من هنيدى لما قال " متأمنش لحد يا علي غير أمك ولو أبوك طلقها متأمنلهاش يا علي " 


وأنت فضلت مغمى عينك عن كل السقطات اللى حواليك ليه 

هااا ليه 

ليه علشان انت جبان


ايوووووه جبان يا علي


 متعودتش تواجه مخاوفك مش ده كلامك

👇🏻👇🏻👇🏻


"دائما أتساءل عن فائدة المعرفة طالما لا تقتل بها وساوسك التى تتسبب فى ازدياد مأساتك، فقد كان لدى قناعة دائمة أن العلم يمنحك اليقين الذى يجعلك تواجه مخاوفك مهما كان شراستها" 


عرفت وتجاهلت لأسبابك الخاصة … يبقى اتحمل وزرك بقى ومتعيش فى دور الضحية 


كل أعوانك خانوك يا "علي" … محفوف بشلة ما يعلم بها إلا الله … هو احنا اللى اخترناهم ليك ولا انت اللى حطيتهم بنفسك فى طريقك ورسمت كمان قصتهم … 

متعيطش بقى واشرب يا حلو 


ساعات بنحط نفسنا فى مواقف باااااااايخة ونتعشم فى اللى حوالينا ونقول لا يمكن أبدا يبيعونا … لا يمكن أبدا يخونوا…

لكن أنت فى الحقيقة مش عارف 🤷🏼 ولو عرفت هتقول ايه ❓❓

ياريتنى ما عرفت ❕


 عندك الشجاعة للسؤال ❓

طيب بتملك مقدار من الشجاعة اللى يؤهلك انك تستحمل الإجابة❔

طيب هل هيتجاب على أسئلتك بصدق ❓

طيب الأوقع بقم هتصدقهم ازاى بعد كل اللى عرفته 🤦🏻


ما تحطش البنزين ⛽️ جنب النار 🔥 وتتعشم أن الدنيا مش هتولع … لا اكسكوزمى مى بقى ✋🏻

ديه سذاجة مفرطة … وغالبا عشمك هيطلع مش فى محله وتوقعاتك هتاخد السقف وتقع على دماغك أنا بقولهلك بالأمانة ..


أنت زيك زيهم يا " علي" كلكم خاينين بس بنسب متفاوتة …


"كلنا مجرمون بدرجات فلا يتساوى من خطط بمن نفذ بمن استغل وضعا راهنا.

يتفاوت ذنب كل منهم أرى المخطط أقلهم إثما والمنفذ أكثرهم أما من يستغل أى موقف للحصول على مكسب شخصى فهو الشيطان بحد ذاته".


عايز تشيل حد الليلة… وترفع عن نفسك الحرج يعنى 


"من يتحمل وزر الخيانة الأكبر ؟

هى أم هو أم آخرون لا نعرفهم ؟"


أنا عن نفسى شيلتك الليلة يا "علي " وشايفة أنك أنت الأساسى ولا حلو ولا عاقل ولا راسى مش زى عمرو دياب ما قال خالص 🙆🏼‍♀️😃


الرواية بالرغم من صغر حجمها بس حسيت أن أحداثها واخدة راحتها وكأنها ٣٠٠ صفحة 📄 

شخصياتها كلها تستفز فضولك أنك تعرف اخرتهم 

كلهم مايتخيروش عن بعض … متنقيين كده من قعر القفص 😂 

الكاتب نجح فى وصفهم وخلاك عايز تنتقم منهم مع البطل …بالرغم من أن البطل نفسه برضه نفس القطعية بس على أخف شوية 


حبيت الرواية واستمتعت بالقصة وصحيح هى كلها خيانات وغدر بس أنا كدنيا حبيت الموضوع قوى 😁💙


#مكتبة_دنيا

#قراءات_٢٠٢٢