الرواية : #فى_بحر_مظلم_وبارد

الكاتبة : #إليزابيث_بلاكويل

ترجمة : #علاء_عودة

دار النشر : #عصير_الكتب 


تفتكر لو جتلك فرصة أنك تروح مكان مكنتش حتى تتخيل أنك تزوره فى الأحلام وببلاش 

مش مطلوب منك أى أوراق أو اثباتات كله هيتظبط بس أنت تقول آه 

هتوافق ولا هتفكر فى العواقب 

هتجازف وتطلع على سفرة الأحلام حتى لو كان وصولك بالغش والاحتيال أو مجرد تابع لشخص ما

مش مهم 

الأهم أنى أوصل للمكان اللى كنت بتمناه 

ده حلم كان صعب المنال 

نركب سفينة 🚢 الأحلام 

اللى جامعة فيها كل المستويات 

هنشوف عالم مختلف وتبحر بينا للأمان وتحقق لينا اللى كنت بنتمناه 

٣ بنات جمعتهم الـ " تيتانك " بظروف وبيئات مختلفة كل واحدة فيهم طلعت على السفينة لهدف 

فيه اللى وصلتلها بالغش والخداع واللى كانت مجرد رفيقة طريق توصل الحبيبة للحبيب واللى قالت فرصة اطلع مع العشيق فى زحمة الراكبين ما هو كله ملهى فى السهرات وبيرقص مع العازفين

لكن لا تأتى الرياح بما تشتهى السفن والسفينة الخارقة اللى لا يهزها أمواج ولا دوامات 🌀 خبطت فى جبل 🏔️ جليدى و راحت فى الأعماق 

غرق منها الكثير وكلنا عارفين وماتت أحلام راكبين كانوا من طبقة فى الحضيض 

ومراكب الإنقاذ ماشيلتش عدد ركاب زى ما كان الاتفاق 

الكل خاف وساب اللى ساب 

لحظات عصيبة عدت على الـ ٣ بنات 

حكوا فيها لحظات السقوط فى الماء 

احساسهم وشعورهم وتأنيبهم لضميرهم 

تقتكروا بعد نجاتهم بـ ٢٠ سنة هيبقوا عايزين يحكوا عن تجربتهم خاصة أن له كل واحدة فيهم شايلة سر وبغرق السفينة اندفن السر فى الأعماق مع الحطام..

وياترى نسيوا االى مروا به وعاشوا حياتهم ولا فضلوا متكدرين وعندهم رهاب السفر فى المحيط 

ده اللى هنعرفه من حكايتهم هما الـ ٣ بعد مرور سنين كتير على غرق أشهر سفينة فى قاع المحيط..


الرواية حلوة ومشوقة حبيت حكايتهم ووصلنى احساسهم وكانت المشاهد حية قدامى تسمع صوت احتكاك السفينة بالجبل وتحس بالوجع مع صريخ الركاب ومحاولات الإنقاذ والبقاء 

لسعة المياه فى عز التلج مع الخوف من سواد البحر نظرة اللى باقى بيقاوم ونداءهم على الناجى 

عيشت بجد الأجواء وتخيلت الأحداث وده يرجع للترجمة الموفقة جدا وكان ليا مصدر استمتاع مش بالغرق طبعا 😄 لكن بتخيل المشاهد والأحداث 💙


شكرا شكرا لـمنمن الجميلة منى الغرباوي اللى سلفتنى الرواية علشان اقراها 💙


#مكتبة_دنيا 

#قراءات_٢٠٢٣