الرواية : #ريشة_ساحر
الكاتبة : #مى_وحش
دار النشر : #إبهار_للنشر_والتوزيع
مسكت ريشتها 🪶
وقالت تكتب فى كتابها
كل اللى نفسها يتحقق
كنز 🏆متساب ليها
ورث ممكن يبقى وش الخير عليها 🤲🏻🤷♀️
بس ده محصلش مع اللى لقاه قبلِها🤔
معتبرتهاش علامة 🚩 ديه يا منيرة
ولا لازم نلبس فى حيطة 😄
ما هى اغراءات الريشة 🪶 كتير عندك حق فى اللى بتقوليه..
وعدتك بحاجات كتير
طبيعى بنت فى سنك 👩🏻 هتبقى بتدور على ايه 🤔❓
تبقى محبوبة من كل المحيطين 🥰
وجميلة وذكية وليها صيت كبير 😌
الكل بيتمنى يصاحبها أو حتى يعرفها من بعيد و يبقى شرف كبير 😎
بس ما اخدتيش بالك اخدت منك ايه 🤔
وغيرت فيكِ قد ايه
كان ليكِ جمال من وجهة نظرك مش متشاف
بدليل " هبة " و " معتز " اللى حبوكى من قبل أى اكسترا امتيازات
لكن أنت كنتٍ عايزة الظاهر للناس يبقى هو اللى واخد اللقطة 📸 ومش مهم الباطن عامل ازاى
كلنا نفسنا فى ريشة 🪶 تحقق أمانينا
نكتب بس ونقول وهى ترد بـ " فليكن " على طول
لكن نخلى بالنا بنطلب ايه وممكن يغير فينا ايه
وحظ الريشة أنها وقعت فى ايد بالنسبة ليا مش أمبنة استغلتها فى حاجات مش لطيفة وطلع السواد قى أمانيها
يا ترى يا منيرة مبسوطة أنتِ كده بالريشة
نضفى السواد اللى جوا شوية قبل ما تستعمليها أحسن هيطلع علينا 🤦🏼♀️
هتفوقى ولا هتفضلى مغمية عينيكِ ومش شايفة اللى حواليك 🤷♀️
رواية أجلت قراءتها كتير مش علشان عيب فيها
لكن علشان مكنتش بحس أنها النوع اللى بندمج فيه
حبيتها لسببين
📌 روحها حلوة وخفيفة حسيتها شوية ستايل روايات الـ Fairy tales مش هنكر انها عيشتنى فى جو طفولى كارتونى بس حبيت الأجواء
📌 شخصية منيرة مستفزة جدااا وتحس أنك عايز تدحل تجيبها من شعرها وديه شطارة من الكاتبة أنها عرفت ترسم شخصيات البطلة بكم الاستفزاز ده😄
📌 الـهدف اللى عايزة توصله الرواية جميلة ووصل بطريقة مختلفة علشان كده حاسة أن الرواية تنفع جدااا لليافعين
📌 زعلت فى النهاية من حاجة مش هقولها بس هو كان لازم يبقى فيه قرصة 🤏 ودن برضه مش هتبقى وردية بعد كل السواد ده 😄
اللى معجبنيش بقى 😄👇🏻👇🏻
📌جزء النحنحة محبتهوش بالتاكيد بين هبة و اللى اتجوزها علشان ماليش فى التلزيق وده عيب منى مش من الكاتبة 😄 والحمد لله انه ماطولش كتير علشان الواحد بقى خلقه ضيق حبتين 😄
زى ما قولت رواية لطيفة خفيفة تنقلك لعالم طفولى بس مش برىء قوى 😄 أصل منيرة طفلة منفسنة حبتين 🤦🏼♀️
#مكتبة_دنيا
#قراءات_٢٠٢٤
إرسال تعليق
0 تعليقات