اسم الرواية : #ميراث_الحرمان

اسم الكاتبة: #جيهان_سرور

عدد الصفحات: ١٩٤

دار النشر : #دار_فكرة_للنشر_والتوزيع


كلنا فاكرين أن الفقر  بس هو اللى مذلة 

لكن مفكرناش أن ضعفنا ممكن يبقى أكبر منه مذلة 🙄


الذل فأنك عايز تقولا لاااا ✋🏻 كفاية ومش عارف أو مش قادر تقولها ... خوف وضعف لأى سبب كان...


قبلت بظلم ، قبلت تتحط فى قالب مش على مقاسك 👗 لمجرد خضوع وضعف من أنك تعترض وتقول ديه حياتى وأنا اللى هختارها..


"هل تستحق الحياة كل تلك الصراعات!

هل يمكن أن نعيش الحياة، نبحث عن تحقيق سعادتنا!

أم أنه كتب علينا أن نساق فى طرق لا نعلمها لإرضاء الآخرين

هل يمكن أن ينظر إلينا يوما ما بأحقيتنا فى أن نعبر عن مشاعرنا دون أن نحاسب أو نسأل عن أسباب مشاعرنا!


طيب لو اجتمع الفقر والضعف مع بعض فى شخص هيبقى حاله ايه ... تأثيره عليه وعلى المحيطين به وعلى تفكيره المستقبلى ياترى هيبقى ازاى ...


"يقولون إن للمرأة حقوقا مهدورة، ولا يعلمون أن سلاح المرأة دائما يكمن فى ضعفها".👇🏻


حور اتحرمت من وجود الأب 👨‍👧‍👦، مات وهى لسه بنت ال٦ سنوات ... فقدت الأمان والسند ...وكمان فقدوا مع رحيله دخلهم الشهرى ...  فى بيت فقير فى حى الجمالية ، واجهت الأم وحيدة  تربية الابنة والابن الذى اصبح هو المسئول عن الأسرة 

تطلعت وتمردت على حياة الفقر إلا أن اكتشفت سر 🤫🤭......... 🔐


 أثر على حياتها وشبه خلق بينها وبين نفسها عقدة ( عقدة الحرمان ) 

.

.

.


حرمان من ايه بقى 🤷‍♀️


 مش شرط يكون حرمان مادى على فكرة  ....


فى حرمان من حقوق ( زى حقك فى الأختيار مثلا ) 🤔

حرمان من ان يبقى ليك صوت أصلا 🤐


وبمرور الوقت وبالرغم من تحسن ظروفها هتفضل عقدتها سايبة علامة فيها لحد ما  تكبر اللى ورثته من الحرمان فرضته على اللى حواليها من غير ما تاخد بالها لأن عمرها ما نسيت طعمه بالرغم من تبدل حالها... كانت دايما شايفة الوحش اللى شافته ومش راضية تمحيه برغم حلاوة اللى هى فيه وده للاسف حالنا كلنا 🤦🏼‍♀️ 

غصب عنك بتبص للجزء اللى مقدرتش تحصل عليه وتقعد تلعن حظك عليه وللاسف بتفقد متعة اللحظة الحلوة اللى أنت فيها 🤭


"ساعات كتير بنحتاج نصحح الطريق، حتى لو هنبدأ من جديد، المهم إننا نختار طريقنا باختيارنا، علشان مانظلمش نفسنا ولا حد من اللى معانا فى نفس الطريق".


كفاية حكم ومواعظ 🤓علشان انا مش أهله أصلا 😂


الرواية اجتماعية وفى نفس الوقت منطقية وواقعية  ، لغة السرد سلسة وبسيطة وراقية أيضا، غنية بتنوع شخصيات أبطالها القصة كفكرة مش جديدة بس مكتوبة حلو قوى ولا هتزهق ولا هتمل وانت بتقراها ، الكاتبة عيشتك مع الأبطال وحسيت بهم وبمشاعرهم المختلفة وتقمصت أدوارهم وحطيت نفسك مكانهم كمان ... النهاية كانت موفقة ومرضية بالنسبة لى 😊


#مكتبة_دنيا

#قراءات_٢٠٢١


لينك جروب ال corner 

https://www.facebook.com/groups/736128243892265/?ref=share&mibextid=KtfwRi


لينك قراءة الرواية

https://readingistheanotherlife.blogspot.com/search/label/%D8%B1%D9%88%D8%A7%D9%8A%D8%A9%20%D9%85%D9%8A%D8%B1%D8%A7%D8%AB%20%D8%A7%D9%84%D8%AD%D8%B1%D9%85%D8%A7%D9%86%D8%8C?&max-results=9