المجموعة القصصية : #شباك_تذاكر 
مجموعة من كاتبات مبادرة
#فى_القراءة_حياة_أخرى 
عدد الصفحات : ١٥٢ ( ١٣ تذكرة 🎫)
دار النشر : #دار_فكرة_للنشر_والتوزيع

فى يوم ويك آند هادى 😄 قررت أخد استراحة من الروايات واروح لشباك التذاكر واحجز 1️⃣3️⃣ تذكرة ذهبية 🎫 لقصص متنوعة واقضى يوم كامل مع تشكيلة من الحكايات ما بين دراما على خيال كوميديا سوداء ورعب كمان ده غير بعض السايكوباتية 
لبست نضارتى واستعنت بالله وهيأت نفسى ولا كأنى داخلة حفلة أفلام 🍿 

وتتوالى التترات مش هعرف اختصر الحكايات علشان مظلمش قصة من قصص الكاتبات 😄
خلوا بالكم طويل 🤌🏻 واستحملونى شويتين 🤦🏼‍♀️
 
🎫 واتفتح الستار على أول عنوان وهى قصة " النصيحة الملعونة " مين فينا مامشيش ورا نصيحة صديق ولبسته فى الحيط 
اكيد كتير كتير وخاصة لو جت النصيحة على الجرح 
واخدها التانى على محمل الجد 😱 ودمر البيت واتهد 🤷‍♀️
قصة بسيطة 💁🏼‍♀️ فى حكايتها بس بتناقش قضية مهمة ألا وهى ذمة المرأة المالية وتأثيرها على بيت الزوجية 

🎫 ندخل على " الثقب " وديه قصة رمزية تدخل القلب بتعبيرتها وتأثير كلماتها - تلقيح بس على خفيف ولو حدق تفهم على مين 😉

📌سلاما على الراحلين والبعد يقتلهم
سلام على الضاحكين والألم يخنقهم
سلام على الأوفياء فى عهد الخائنين
وسلام على الشرفاء سلام على الأنقياء سلام على كل من مر بقلبى وترك السلام..🕊️

🎫يليها شوية دراما 🎭 مع شحتفة من اللى هى 😭 و قصة " حنان " - الضغط بيولد الإنفجار علمونا كده فى الكيمياء غالبا 🤔😄 زمان 
طيب و لما تضغط على شخص سنين وسنين بحجج واهية … هيجيله يوم ويـ explode 🤷‍♀️ بس ياترى ايه نوع الإنفجار وتأثيره على محيط الاصدقاء.

📌 ما أهون حياة الإنسان عليه أمام قسوة الأحباب.

🎫 طيب كفاية واقعية و دراما ونرفع الأدرينالين بـ " ما وراء الظلال " وديه قصة غريبة فى حبكتها مرعبة فى فكرتها كتير حبتها 

📌 أحدهم أخطأ ووطىء حيث لا ينبغى له.

🎫 ونيجى بقى للقصة اللى لمستنى شخصيا وفضلت اقراها مرارا وتكرارا " المواجهة " شكرا للكاتبة أنها قالت كلام كتير فى نفسنا للاسف آباء كتير مغمضين العين عن أولادهم وكل اللى على لسانهم يذكروهم بسلبياتهم والمصيبة أنهم فاكرين أن ده تشجيع ومايعرفوش تأثيره عليهم بعدين 
ربنا يسامحهم على كسرة أجيال كتير 

📌 لقد ظللت وقتًا طويلًا أظن أننى طفلة سيئة لأننى لا أحظى منك بالحب … تخيل ؟
لكم تمنيت لو أنك فقط أعطيتنى نظرة الرضا هذه والفخر ولو لمرة واحدة فى عمرى..

🎫 ونخفف شوية من الأوجاع ونشرح شوية أسباب النكد بصورة خفيفة مبسطة 😄💁🏼‍♀️ فى قصة " لست نكدية " ما أنتوا ماتحطوناش فى هموم وتقولولنا ماتنكدوش 😄 احنا مش حلة ضغط 🤷‍♀️ 

📌أن البكاء لا يدل إطلاقا على الحزن أو النكد إنما هى دموع الحنين🥺 ( وعلى رأى فيروز أنا عندى حنين ما بعرف لمين ) 🤷‍♀️

🎫 وياعينى على اللى صدق وآمن ولا طال و " لا عزاء للأغبياء " طيب ليه الغلط بس 🤌🏻
ديه غلطتى أنى مادتش خوانة وسلمت للى كنت فاكرهم قد الأمانة 💁🏼‍♀️
قولنا ما نأمنش يا " على " بس محدش بيتعلم ببلاش ولازم ناخد خبطة ✊🏻 خبطتين ✊🏻✊🏻 على الدماغ مع كل تسليمة أمان من الناس .

ومع قصة " شر لابد منه " دماغك هتجيبك على " الجواز " وماتحسبوش يا بنات 👧🏼 أن الجواز راحة طيب مين اللى قال " لابد منه " ومين قال أنه " شر " هما قالوا أنها بطيخة 🍉 وأنت ونصيبك 
بس هو ايه فى حياتنا مش بطيخة 🍉 ما الشغل والأصحاب وحتى ابسط الاشياء بقيت أنت ونصيبك 🤷‍♀️

🎫 طريقى ولازم امشى فيه " الطريق " لا مش لازم تمشى فيه بدل مفيش حوار بينك وبين الشريك- بلاش العشم ونقول هنتغير بالزمن لو من البداية مفيش كلام ماتتوقعيش بعد سنين قدام هيبقى فيه أى احتمال 
واللى يقولك
👇🏻👇🏻
أن الأختلاف يكمل الأشياء..
اضربيه بحاجة على الدماغ 🤕

نسيب الأجواء الدرامية تانى 😁
🎫وندخل على الإثارة والتشويق مع " أسطورة القط الفرعونى " وادى جزاء اللى ياخد هدية 🎁 من عمو كريم 😉

🎫 وهتدخل فى حيرة بين قلبك و عيلتك مع قصة " نجاة قلب " نمشى ورا احساسنا ولا نراعى احاسبس غيرنا 🤷‍♀️

🎫 ياترى يا بنى ياللى لسه فى بطنى هتطلع زيى 
تيجى الدنيا مش عارف ليه وهتعمل ايه 
وتسيب كل من هب ودب يتحكم فيك 
ده حتى اسمك مش هتختاره ليك وهيتفرض عليك 
هو اسمى بس يا ست الحبايب خلينى ساكت وفى بطنك افضل قاعد وديه كانت همسة من " همس الأجنة " 

🎫 ونيجى لختامه سايكو 😄 مع " كاتب ✍️ لأول مرة " لآمور يعمل من العاقل مجنون 😜 ما هو مش معقول يا نهى مافهمتيش نظرات " رامز " من ١٥ سنة 🤦🏼‍♀️ اهو رامز الكيوت اتحول بسببك لشخص 
مهووس وياعينى على الهادى لما يتقلب سايكوباتى 🤷‍♀️

معرفتش اختصر فى الريڤيو لأن أكيد كل كاتبة بذلت مجهود نحييها عليه 👏👏
بس مش هنكر طبعا أن فيه كام تذكرة 🎫 علقوا معايا و آثروا فيا زيادة شويتين عن قصص تانية
الميزة فى المجموعة تنوعها يعنى اكيد هتلاقى لون من لونك عجبتنى بساطتهم فى حكاويهم وتوصيلهم لفكرتهم ماهى مش علشان مجموعة قصصية يبقى لازم نتفلسف فى حواديتها 
ولذلك وجب الشكر على توصيل الهدف 🎯 فى حدوتة مبسطة من غير أى كلكعة💙

#مكتبة_دنيا 
#قراءات_٢٠٢٣
لينك جروب الcorner 
https://www.facebook.com/groups/736128243892265/?ref=share&mibextid=KtfwRi

لينك قراءة المجموعة القصصية شباك تذاكر
https://readingistheanotherlife.blogspot.com/search/label/%D8%B4%D8%A8%D8%A7%D9%83%20%D8%AA%D8%B0%D8%A7%D9%83%D8%B1?&max-results=9