الرواية : #جريمة_فيلا_التجمع

الكاتب : #د_أغر_الجمال 

عدد الصفحات : ٢٨٦

دار النشر : #سما_للنشر_والتوزيع 


ولاد العم لما يشتغلوا مع بعض 🤔

تفتكروا هيبقى مصالحهم مشتركة 🤝

ولا هيمسكوا فى بعض 🥊

كلنا عارفين لما المواضيع تدخل فى الملايين 💵 

فى حاجة دايما بتغير النفوس 

واللى فاكره شريكك 🤝

ممكن بكره يبقى غريمك 😈

ويا عالم مين هيبقى فى صفك ومين هيبقى فى صف غيرك 

بس الغريب لما أبطال الرواية ماتعرفش هما مع مين ، معاك ولا مع التانين 💁🏼‍♀️

طيب هتصدق لمين 🤔

كله بيلعب على كل الأطراف 🤹🏻

أحضان🤗 وسلامات وقلبى عندك لكل الناس 😘

أنا معاك وخلى بالك من فلان ☝🏻

وفلان بدوره يعمل زيه هو كمان ♻️

دايرة ومش هتعرف تخلص منها 

ولا هتعرف رأسك من رجلك ومش بعيد تشك فى نفسك وتعد بعد السلام معاهم صوابعك🖐🏻

رواية تاخدك وتوديك هتتسحل فيها ده أكيد 

بس من تشويقها مش هتاخد منك قعدتين وابقى قابلنى هتخمن مين اللى عمل ايه فى مين 🤷‍♀️

بس الموضوع مش جريمة 🔪🩸وخلاص هنكتشف الجانى ونقفل المحضر 📝وكله يروح ينام 😴 

لا الحقيقة هى رواية نعتبرها فيها جزء نفسى كمان 

بتكشف لينا ازاى كلامنا ممكن يآثر فى النفسيات 

ازاى كلمة أو تصرف ماتاخدش بالك منه 

يحول اللى قدامك من ملاك 😇 وصديق لعدو مستنى لحظة انتقام 😈

ماتتهاونش بتأثير الكلمات ديه سلاح خطير 🔫

وماتقولش ده صديق أو حبيب مش هتأثر فيه هو فاهم أن ده تهريج لكن للاسف يطلع واخدها جد ووجعاه 

وأمراض تانية كتير مستخبية مستنية لحظة الفكاك بس ياعالم هتتفك على مين 🤦🏼‍♀️

فخليك حذر وفى نفس الوقت رحيم 🤌🏻

وعامل اللى قدامك بالحسنى بس تبقى حويط مش خباثة منك لكن حرص على نفسك وعلى الغير 💁🏼‍♀️


رواية جريمة ممتعة ومشوقة هتاخدك فى اتجاه فى البدايات وهتفتكر أن الضحية شخصًا ما 

لكن هتكتشف أنك اتخدعت وروايات الجريمة اللى بتقراها ما اثرتش ومعرفتش تلعب دور المحقق كونان الهمام 🤷‍♀️


#مكتبة_دنيا 

#قراءات_٢٠٢٣