الرواية : #صوت_الحمير
الكاتب : #أيمن_العتوم
عدد الصفحات : ٢٥٨
دار النشر : #دار_ديوان

❞ غرور الإنسان مُعمٍ ويحجب عنه الحقيقة، يظنّ أنّه الوحيد الّذي يعرفُ كلّ شيءٍ وهو أجهل المخلوقات، وأنّه يحتكر المعرفة وهو أبعدها عنها». ❝

ماذا لو كان الراوى وبطل الرواية حِمار 🐴 
لا مش ذم ده هو حِمار فعلا 🙄
هتتريق … أنت عارف أنا قضيت مع " أبو صابر " كام صفحة 📄 واتعلمت منه احلى كلام 
هو احنا ليه اصلا بنعتبر " حمار " شتيمة ومين قالنا ان ده مدلول على " الغباء " ⁉️
مش عايز اقول ما غبى ومدب زى البنى آدم 🙄🤫
عمرك هتحط نفسك مكان  الـ " حِمار " وتتخيل ممكن يكون بيحس بإيه ولا بيفكر ازاى 
وصمته بالغباء وبقى سبة لكل بنى آدم شايف فيه لمحة غباء 🙄  تقوله يا " حِمار " 
مع ان ممكن اعد ليك مميزات وطباع الحِمار 🐴 بعد ما خلصت الرواية وفهمت الدماغ 😁

📌 حمول : مش ديه معناها التحمل برضه ولا ايه بيستحمل شيلتك علشان يريحك ويساعدك فى شغلك …. بيشيل المسؤلية مش زى ناس 🤭

📌 صبور : كفاية انه مستحملك ومستحمل طلباتك شِ وحاااااا وترددك وشد اللجام وضرب على الدماغ 
علشان مش قادر يشد حمولتك ويطلع بها 
ما هو فوق طاقته يا انسان 🥺

❞ ولو رأى النّاس عمَلَنا وعملَ الملوك لتمنّوا أنّ نكون نحن المُلوك 👑 ❝

📌 راضى : بيرضى بشوية برسيم وهوووب تلاقيه نشيط مش محتاج ولا اشتراك فى چيم 🏋🏼‍♀️ولا فيتامين 💊

📌 متسامح : تشتمه وتهينه للاسف علشان ينفذ طلباتك ويستحمل ويسامح وينسى ويكمل مشواره 

❞ فما أسرع أنْ نُسامح نحن الحمير! ❝

📌 ذكى : تخيل بقى بيفهمك من مجرد سيم 😉
واشارات وهمسات يقوم يتحرك فى الحال للإتجاه 
بس انت بقى بغباءك بتصمم تشد عليه اللجام وتزغدوه فى كتفه جتك زغدة فى صوابع ايديك يا شيخ 😠

❞ أنْ نفهمَ الحياة، لا أظنّ أنّ هناكَ خلقًا فهموها أكثر منّا نحن الحمير، إنّنا أعطينا دون مقابل، ومشينا دون توقّف، وصبرنا دون جزع، ورضينا دون سُخط؛ تلك هي الفلسفة. ❝

اعدلكم كمان ولا كفاية وتقروا انتوا الاحداث 😁

طيب هقولكم بإختصار حكاية " أبو صابر " الحِمار " 🐴 صاحب  الشيخ " علي " فى حياته وتابع يومياته وشاف تصرفاته وتصرفات البشر اخواته 
اللى حمد ربه من بعد ما شافها أنه " حمار" 
وحط نفسه مكانهم لو كنت فى يوم شيخ ولا رئيس ولا مدير ولا تقلدت أى منصب فيكِ يا بلد هيبقى ايه الحال 
هتلبس بطبع البشر ولا هفضل بنفس الدماغ اللى صعب على البنى آدم أنه يوصل لحالة السلام النفسى اللى عندنا احنا معشر الحمير ..🤷‍♀️

رواية فلسفية فانتازية ساخرة … بتتكلم بصوت الحمير 😉 بس اراهنك بعد ما تخلصها هتقول ياريتنى كنت 🐴
حبيتها جدا وحبيت فكرتها وحبيت  أنى اسمع رأى كائنات أخرى فى الإنسان 😉

🔖 " البشر يلبسون ألفَ قِناع 🎭 أمام الآخَرين، نحن لا نلبسُ إلاّ أنفُسَنا ".

🔖 «فلْيكن صوتُ الحمير صوتَ الضّمير، ولْنُعلِّمْ العالَم». 

#مكتبة_دنيا 
#قراءات_٢٠٢٢ 
#قراءات_نوفمبر_٢٠٢٢
#أبجد