الرواية : #المادة_السوداء
الكاتب : #بليك_كراوتش
دار النشر : #المحروسة
ترجمة : #عبد_الرحيم_يوسف
تخيل تروح تشربلك 🍸 حاجة فى مكان
تخرج منه تاخد خبطة على الدماغ 🤕
تفوق تلاقى نفسك فى مكان غير المكان
والناس بتقول عنك حاجات ماتعرفهاش
وتقنعك بها بالأدلة والاثباتات 📁
وأنت مُصر تركب الدماغ
وتقولهم أنا عندى بيت 🏡 وولاد 👦🏻
سيبونى ارجع ليهم أكيد مستنينى على العشا 🍽️ بقالهم ساعات 🕰️
يا عم اقعد بقى ده أنت مختفى من سنوات
ومش عارفين ليك مكان
ومكنتش متجوز من الأساس
بتقولوا ايه يا جدعان
ده الدبلة سايبة اثرها فى الايد
مش معقول ده كله تخاريف
كل ده علشان اخدت كأسين 🤷♀️
لا الموضوع أكبر من كده بكتير
ما قولنا نخاف من الفيزيائين
دماغهم بتشطح لبعيد
وتلبسنا حدفة بالسنين
وما بنعرفش بقينا فين ومين
رواية مخيفة وموترة فى فكرتها والخيال العلمى أساس قصتها
هتلخبطك فى أحداثها وهترقم شخصياتها مش من كترهم لأ
ده هو شخص واحد 1️⃣ فى الحدوتة بس عامل قلق فى الصفحات 😃
رايح جاى ليل 🌙 ونهار ☀️
واحنا ماشيين وراه
زى ما قولت أساسها خيال علمى فـ اللى مالوش فى الأجواء ديه معتقدش هيحبها قوى لأنها مكلكعة 😁
انا حبيت جزء معين فيها النفسى
اللى بيتكلم عن لو شكل حياتك اتغير وبقى فيه نسخ منها كتير مختلفين هتحب أى نسخة منهم و ياترى ممكن تحمد ربنا على اللى كنت فيه وتحاول تطور فيه 🤷♀️😉
المهم الرواية نزل منها مسلسل من 6️⃣ حلقات 🔂
ممكن يبقى سلس وأهون شوية فى توصيل الفكرة من الرواية لأنها صعبة ومحتاجة تركيز 🧘♀️ عالى عالى واحنا الحمد لله فى التركيز ما نتوصاش 😄
📌كل لحظة، كل نفس، يحمل اختياراً، لكن الحياة ناقصة، نقوم بالإختيارات الخطأ. لذلك ينتهى بنا الأمر ونحن نعيش فى حالة من الندم الأبدى، وهل هناك شىء أسوأ من ذلك❓
#مكتبة_دنيا
#قراءات_٢٠٢٤
إرسال تعليق
0 تعليقات