الرواية : #تسع_أرواح
الكاتب : #بيتر_سوانسون
دار النشر : #عصير_الكتب
ترجمة : #نورهان_كمال
تفتح بريدك 📬
تشوف ايه اللى وصلك جديد ✉️
تلاقى خطاب مرسل من مين مش عارفين ✉️⁉️
ولا طابع ولا عنوان يقولنا جاى منين 🤔
طيب نفتح ونشوف فيه ايه
تلاقى اسمك منور فى قايمة مع ناس تانين
لا تعرفهم ولا ليك بهم صلة من قريب أو بعيد
ترمى الرسالة جنب اخواتها السابقين
بدل مش اعلان وظايف يبقى حاجة مش مهمة أكيد
لكن يجيلك تليفون من البوليس
يستجوبك عن الرسالة اللى وصلتك بالبريد
ويبدأ يحقق معاك على الاسامى المذكورة فى الرسالة ديه كمان
أصل اللى متعرفهوش أن واحد منهم اتقتل من غير أسباب
مين الاسامى ديه وليه اسمى معاهم وياترى هيجى عليه الدور ويبقى فى عداد الأموات
كل واحد منهم بيسأل نفسه نفس السؤال
ومش عارفين يوصلوا لأى اجابات ما بيربطهمش ببعض أى خيط ده حتى أعمارهم متفاوتة هتجمعهم معرفة منين
واضح أن السر مش فى الـ 9️⃣ أسامى المذكورين
لازم ندور على الخيط
رواية جريمة مشوقة وتخنقك فى نفس الوقت 😄
ازاى 🤔
القصة حلوة وتشدك ويبقى عندك فضول تدور وراهم وتحاول تربطهم ببعض لكن طريقة الكلام عن كل شخصية بأساميهم كانت مزعجة شوية مع أنى مش شايفة ليها حل برضه 😄
اللى ساعدنى أن أول صفحة فى الرواية كان مذكور اسم كل شخص وتعريف عنه بسيط فى جملة
لكن طول الرواية هتلاقى نفسك بترجع للصفحة ديه علشان تعرف أنت بتقرأ عن مين فيهم 😄
النهاية جت سريعة بعد كل الرغى ده بس عجبتنى واتبسطت بها وده اللى هون عليا اللخبطة بتاعت الشخصيات
الترجمة كانت جيدة ومكانش عندى أى مشاكل معاها الحمد لله 🤲🏻
فخلى خلقك واسع كده لما تقراها واستحمل الابطال وركز فى الصفحة الأولى وإن شاء الله هتبقى تمام 😄
#مكتبة_دنيا
#قراءات_٢٠٢٤
إرسال تعليق
0 تعليقات