عارفين الرواية اللى كنت بقولكم خدعتنى بإنسانيتها وهوووب فجأتنى بكيدها 😄

اهى الرواية ديه هى #محادثة_ليلية لـ #ساشا_ناسبيني وترجمة #أماني_فوزي_حبشي ومن إصدارات دار #الكرمة_للنشر_والتوزيع 



وحدى لكن ونسان وماشى كده ده منير اللى بيقول

لكن " نيفيس " مش شايفة أنها ونسانة بوحدتها 

صحيح عايزة يبقى ليها مساحتها 

ورفضت تسيب بيتها 🏡 ومزرعتها 👩🏻‍🌾

وتعيش مع عيلتها

لكن لما بيجى عليها الليل 🌙 

ما بتعرفش تنام دقيقتين 😴 

وتشتغل التهيؤات لساعات ⏰ 

وتسترجع الذكريات  وتخاف من اللى جاى 

ويومها هيبقى ماشى ازاى 

الحياة قبل موت زوجها ماكانتش روزيه صحيح بس كفاية أنهم ببعض متونسين🧓🏻👴🏼

📌" شعورها بأنه لا توجد نفس حية تنظر إليها أشعرها بأنها شبح. لا فارق بين وجودها على تلك الأرض من عدمه".

لازم ليها ونيس ، ياخدوا بحس بعض فى الأيام ديه..

أصلها مش هتمشى تكلم فى حيطان البيت

الحل فى حيوان أليف … 

أنتِ اتجننتى يا " نيفيس " هتربى دجاجة 🐔 فى البيت 🏡 

المهم أننا متفهمين 😄

" أربى دجاجة ولا طلبات شاى كل ساعة " 😉

لحد دلوقتى الرواية واخدة طابع انسانى جميل … هتتعاطف مع  " نيفيس " وتبقى نفسك تروح تسليها فى البيت.. 

لكن الاحداث هتتغير تماما  بعد " مكالمة هاتفية 📞 " بليل .. البداية كانت بسؤال عن الطبيب يشوف " الدجاجة " فيها ايه … وهتستمر لساعات كتير يتفتح فيها كلام عن كل شىء… فضفضة لساعات بأسرار ياترى " تنفع ولا ماتنفعش تتقال وياريتها فضلت فى طى الكتمان " … لأن اللى هيتقال مش هيخطر على البال والنهاية ايه " اللى يصعب عليك ….. 😉" 

📌 هذه مكافأة من يمنح كتفه ليبكى أحدهم عليها ويشكو وحدته؛ أن يجد نفسه محاصراً مقابل الجدار.


أقدر أقول أن الرواية هتدخلها على انها إنسانية وتنتهى كيدية 😀 حبيت الميكس ده جدااا وبدل ما الرواية تبقى صعبانيات بقيت فيها سسبنس وحركات 😁

الترجمة كانت ممتازة سلسة وبسيطة تحسسك أنها مكالمة فعلا وأنت معاهم على الخط 📞☎️


#مكتبة_دنيا 

#قراءات_٢٠٢٤