الرواية : #قطار_العودة

الكاتبة : #أمنية_شفيق

عدد الصفحات : ١٤٩

دار النشر : #دار_غراب_للنشر_والتوزيع


🎵 يا دنيا سمعانى 

أبويا وصانى

ما اخلى جنس دخيل يخش أوطانى 

الأرض ديه أرضى 

أحميها أنا وولدى

أفديها بالأرواح وتعيشى يا بلدى 🎵


اخدت قطار العودة🚆  وعيشت رحلتها معاها 

رحلة الرجوع للبلد المهجور، بسبب طمع بعض الشعوب .. يبصوا للى فى ايد غيرهم ويبقوا عايزين ينهشوا فى خيرهم مستكترين عليهم أرضهم ايه اللى يمنع ناخد حتة منهم بس ديه ملكهم بيوتهم وعالمهم اللى بنوه ازاى تهدوه بأى حق تاخدوه

هى مش تورتة🎂 ولا جاتوه 🍰 نوزعه على الضيوف 

لا ديه أرض وجذور مفيهاش لوى دراع 💪🏻 ولا اخد عنوة وكله هيبقى تمام وهيتساب 

الارض مفهاش تنازل 📝ولا استسلام🏳️ 

ومش معنى أننا مشينا منها مؤقتا يبقى ده معناه أننا مش هنرجعلها 

ومكانش سهل علينا نفارق بيوتنا بحيطانها اللى محفور عليها ذكرياتنا لكن هى كده الحروب تجبرك على أصعب الظروف 


📌من قال أن الذكريات هى ما سُطر بالحبر

إنها ما طبع فى الوجدان بوشم دقته ضربات القلب الصادحة فرحاً والخافتة حزنًا وألماً..


تقرر الرحيل تقعد عند غريب أو قريب بشكل مؤقت أكيد بس مفيش ميعاد محدد 

هو حد بيبقى عارف الحرب هتخلص امتى 🥺

تسيب مدرستك و أصحابك ، تفارق جيرانك 

تتنازل عن عاداتك وشكل حياتك 

هتتغير أكيد هتتأقلم مش أكيد 

فيه منا اللى بيعرف ينسى ويعيش ويمكن حياته الجديدة تغير فى شخصيته حاجات كتير 

وفيه اللى بياخده من وقت للتانى الحنين ومهما عمل أصحاب وحسس نفسه أنه عايش فى الأجواء

لكن اللى جواه جواه هيفضل مستنى لحظة رجوع 

وأول ما تيجى الفرصة هيجرى على أول قطر ويتشعلق فيه 

وده اللى حصل مع بطلة الرواية فارقت مدينتها اللى حبيتها وشافتها قدامها بتتاخد بالغصب بس على مين ورانا رجال شداد مش هيفرطوا فيها مهما كان

طيب نستنى ونقعد معاهم نساعد وندعم اللى باقى 

للاسف ما ينفعش لازم الرحيل واللى هيقعد فيها ناس محدودين 

هترجعى ماتخافيش لسه قدامك عمر كتير 

تكون الدنيا استقريت وبقيت المدينة فى أمان وبخير.. 

وفضلت على أمل الرجوع مهما عدى من السنين وعملت كاريير فضل حلمها رجوعها لميدان الأربعين 💙


💎رواية جميلة وهادية بسيطة فى تعبيراتها حبيت الكلام عن مدينة السويس و أهلها وناسها واحساسهم وقت الحرب حسيت زيهم وسمعت صوت الانذار والغارات 

خفت وقفلت الأنوار ولا وجعهم وقت البعد وكأنى مفارقة وياهم وفضلت مستنية القطر علشان أرجع معاهم مهما طال الأمر💙 


📌إن بيت الإنسان المملوك له ليس مجرد حجارة وحديد ولكنه جذر يمتد داخل الأرض ليسقيه أمانًا وسكنًا وذكريات وألفة.


#مكتبة_دنيا 

#قراءات_٢٠٢٣