الرواية : #عليهم_لعنة_الله

الكاتبة : #نهى_الشيخ

عدد الصفحات : ١٢٦

دار النشر : #إبهار_للنشر_والتوزيع 


كل واحد فينا له قدرة على استيعاب واحتمال البلاء 

فى اللى بيصبر و يجاهد ومايوقفش فى مكانه 

وفيه اللى بيطوع بلاءه على أهواءه نيته بتبقى أنه رافض للإستسلام لكن ساعات بتفرط منه وتدهول أكتر الأحوال 

وفى رواية "عليهم لعنة الله " مصاب أمتين كان فوق الإحتمال ، ياترى كل واحدة فيهم اتصرفت ازاى ❓❓

ربطت الكاتبة بينهم بإمتياز مع أن كل قصة حصلت فى زمن غير الزمن لكن بسلاسة واثارة وتشويق ربطت الحدوتين 😍

تعالوا أخدكم فى بريڤ عن القصتين فى السريع 

👇🏻

👇🏻

👇🏻

👇🏻


بيت 🏠 مبتلى بالفقد رحيل يليه رحيل 

يادوب ترتاح من أزمة تلازمك واحدة أجمد 

نصيبك يا حنان مش هنعترض على الاقدار 

وأنتِ ست قوية وليكى هيبتك

فى الصاغة مسيطرة ما هى العائلة هناك متأصلة 

وأنتِ ست شيك ومن بعد وفاة " أحمد " الطامعين فيكِ كتير وأنت أكيد ست العارفين 😉 

بس يا جبل ⛰️ ما يهزك ريح 💨 صمدتى سنين لحد ما كبرتى " غزل " وأهلتيها تبقى زى باباها 

دكتورة 👩‍⚕️ تكمل مسيرته المهنية اللى فضلت فى المستشفى محفوظة وبين زملاء العمل مذكورة 

ركزى أنتِ بس فى دراستك ومكانك جاهز بعد ما تخلصى شهادتك 

وبما أن " غزل " كانت يتدرس طب يبقى لازم يبقى فيه " هيكل عظمى " معاها يسد 🙄

هيكل فى البيت يا " غزل " ديه حاجة ترعب وتقلق يا جدع ..😬

ولبيت " حنان " الطلب .. هيكل وصاية للست الدكتورة ديه وحيدتها بعد ما فاتها والدها

خليها تنشغل فى دراستها وأنا أشوف نفسى شوية 

وصلتك لبرا الأمان دورى كده انتهى وتمام التمام 👌🏻

بس كنتِ تسألى الاول يا " حنان " ده أنا قولت فى الاول انك عليكى مش هيتخاف 

ملعون أبوك يا عوزة 

بس مش عوزة مال ولا جاه 

لا ديه عوزة احتواء واهتمام 

ضهر تتسند عليه ويعوضها اللى فات 


وتبدا روايتنا تنقسم لشقين  

حكاية حنان وبيتها والمشاكل اللى هتواجها 

وحكاية " شيتونو " ما أنا نسيت أقولكم " الهيكل " اسمه شيتونو وده قصته كبيرة هتحكيها ليكم ( د. نهى الشيخ ) بطريقة مشوقة ومثيرة حكاية قديمة لعيلة يهو***دية حصلهم هما كمان ابتلاء 

الأب ماستحملش يصبر على المصاب لكن قلب الأم قرر أنه يصمد ويحول المسار … هتحوله ازاى 

مش هقول علشان كفاية كده رغى عن الأحداث 


زى ما قولت فى الاول 👆🏻👆🏻 الكاتبة ربطت القصتين بشكل مشوق عدد صفحات قليل مع أحداث سريعة وتشوق مش هتعرف تصنفها هى رعب ولا جريمة ولا اجتماعية لطيفة 🤷‍♀️

ممكن تقروها وتحكم أنتوا بالرغم أنى كان عندى استفسارات وفضولى ما وقفش على مع كلمة تمت بحمد الله وروحت جرى اتناقش مع الكاتبة على أسئلتى الفضولية ردت عليا بالإقتباس 👇🏻👇🏻فسكت وخلص الكلام 🤫


📌هناك بعض الأمور من الأفضل ألا تبحث أو تنبش فيها لأن طيها هو الأفضل والجهل بالحقيقة فى تلك الأمور هو الأفضل‼️


#مكتبة_دنيا 

#قراءات_٢٠٢٣