اسم الرواية : #فاطمة_السودا
اسم الكاتبة: #هالة_البشبيشي
عدد الصفحات: ١٠٩
دار النشر : #الهالة_للنشر_والتوزيع
"عجبا لتلك الأرض! تحمل فوقها كل هذا الإختلاف، خليط غير متجانس متصارع بين الحداثة والأصالة، بين الجميل والقبيح ، بين العقا والجنون وتطل راسخة قوية عنيدة تتحمل كل ذلك بثبات مذهل وإن كان داخلها انكسار وشروخ قلما يلتفت أحدهم إلى ضرورة ترميمها"..
مبدأيا كنت مترددة قوى قبل ما اجيب الرواية وحاسة بتأنيب ضمير 🤦🏼♀️🥺
ليه بقى علشان الاسم اللى لفت نظر أغلبيتكم … ( فاطمة السودا ) حسيت أنى بتنمر على فاطمة… اه والله زى ما بقولكم كده 🤦🏼♀️
لدرجة حكيت لواحدة صاحبتى وفضلت تضحك عليا 🙆♀️😂
عندكم حق الاسم يضايق ومضايقنى لحد ما خلصت الرواية ومقتنعة أن الرواية لو بقى اسمها "بيت فاطمة" مثلا كان هيمشى الحال برضه مش هتقول لأ😃
طيب ايه حكاية فاطمة💁🏽♀️
بنت (نعيمة و نوبى ) واتربيت فى بيت (رقية هانم 👵🏻 وعدلى بك 👴🏼 ) اللى مكنش ليهم حد خالص ولا أهل ولا أولاد يورثوهم 🥺
اتولدت فاطمة على ايديهم و كمان الهانم اللى سمتها على اسم والدتها التركية فاتينا … لكن طبعا ده مكانش عاجب عدلى بك …وكان شايف أن " ربنا خلق الأرض وخلى فيها خدم وعبيد ، وأن الإحسان ليهم هيخليهم يتمردوا على مخدوميهم فى يوم من الأيام …
وده بقى اللى هيرجعنا لمين اللى أطلق على فاطمة اللقب ده … معروفة طبعاااا 🤷🏼♀️
يلا ربنا يسامحك يا "عدلى بك " عقدتنا البنت … يلا ما علينا لان الاسم ملهوش علاقة خالص باللى بيدور فى احداث الرواية …. ف إنسوا الأسم 🤦🏼♀️… امشى يا اسم 🏃🏼♀️🏃🏼♀️🏃🏼♀️
المهم عدلى ورقية مكانش ليهم ورثة وهيموتوا هيموتوا يعنى امال هنكمل الرواية ازاى … بس قبل ما يموتوا رقية هانم اديت لنعيمة حجة القصر 🕌 اللى كانوا عايشين فيه فى منطقة العباسية … وانه هيبقى ليهم من بعد وفاتهم .. وهيروح لفاطمة بعد موت نعيمة طبعا …
بس أهم حاجة يفضل البيت ده ملجا لكل عابر معندوش مكان يعيش فيه أو مغترب او محتاج…
وبقى بيت فاطمة مشهور فى منطقة العباسية بيجيله الناس بالاسم …
فى بيت فاطمة هتعدى علينا حكايات بقى هنتأثر ببعضها ونتعاطف معهم 🥺😭
وهنكره بعضها وهنرفضها 🙅🏻♀️😡
🌟حكاية مودة: 🌟
"الحب لا يرضى بالثبات، إن لم يزدد فهو ينقص، أن يثبت مؤشر العلاقة بيننا معناه أنه فتر ، وهو ما لم أرضه أنا ولم يتحسب حدوثه هو".
بعد قصة حب وزواج وبنتين نتاج زواجهم 👰🏼🤵🏻 ( حلم وشهد 👨👩👧👧) … راح الحب يا ولدى 😄🤷🏼♀️ والنهاية مأساوية ومتوقعتشها 🤦🏼♀️
🌟حكاي سنية: 🌟
"كانت لا تعلم من الحب سوى الكلام المعسول ، أو قبلة خاطفة تختلس بعيدًا عن أعين الجميع ، وما كانت القبلة إلا قبلة دنسها وكفر بكل معتقد كانت آمنت به معه من قبل.
👆🏻وديه الهبلة بقى 😄 معروفة 🤷🏼♀️ قروية ساذجة اتضحك عليها 🙆♀️ وطبعا خوفا من الفضيحة هربت من أهلها وخبت طبعا عن فاطمة السبب الحقيقى لهروبها …
🌟حكاية شوشو ( شكرية ) 🌟
وديه بسميها المنحوسة … اتجوزت صغيرة من مدرسها ( صفوت ) وعاشوا قصة حب برضه 💙 وكانت سيدة القصر زى ما بيقولوا 😄 وخلفوا سعيد … ودلعه سيكا 😂
بس للاسف باقى قصتها محزنة 🤦🏼♀️
" لم تكن الحياة وردية بما يكفى ، فرغم شهادة الجميع بأخلاقها إلا أن المجتمع الشرقى وبخاصة فى الأحياء الشعبية والأرياف لا يرى من المرأة سوى جسدها"..
🌟 حكاية شوكت 🌟
ثراء وشباب وخفة ظل ، سليل الحسب والنسب زى ما بيقولوا . …. بس ملوش حظ فى جوازته متجوز من الشاويش👩🏻✈️ "عفت" … النرفوزة 😡المتحكمة 💪🏼ولسانها طويل 👅
اكيد عرفتوا الباقى من ده 👇🏻
"هل هو الإعجاب أو حب التجربة أو الاحتياج؟ الاحتياج إلى من يشعر بأرواحنا، الاحتياج إلى من يعوضنا عن ثغرات داخلنا، وما الاحتياج سوى افتقار إلى الحب!
واخيرا
🌟حكاية فاطمة وحسن 🌟
ما اخدتش من الدنيا غير حلم وذكرى لحبيب ما اخدش فى حياتها اللى ادتهوله فى خيالها …
وكفاية كده بقى احسن انا حاسة انى حاكيت فى الرواية اكتر من عدد صفحاتها اصلا 😂
الرواية من وجهة نظرى نوفيلا خفيفة سريعة الايقاع لحيوات شابات عرضتهم الظروف للهروب واللجوء لبيت يجمعهم ويحتويهم فقط لاغير …
ممكن نعتبرها سناك 🍿🥜 بين وجبات دسمة 🍔🍟 قصدى بين روايات تقيلة 🤦🏼♀️
بس اكتر حاجة ضيقتنى فيها الاسم وأن قصة فاطمة حساها مش الmain course زى ما كنت متخيلة و حسيتها عابرة بين الحكايات …
#مكتبة_دنيا
#قراءات_٢٠٢١
إرسال تعليق
0 تعليقات