الرواية : #جريمة_فى_الحي_الصامت ( سلسلة آل الذهبي )

الكاتبة : #سلوان_البري

عدد الصفحات: ١٢١

دار النشر : #ببلومانيا_للنشر_والتوزيع


جريمة 🔪 من ٣٠ سنة 🤔

ياترى مين كان السبب ❓

للاسف الكل عارف ومكتم🤫

أصل كله بالفلوس بيغمى🤦🏼‍♀️

بس تعدى السنين وتمر 

وتتكرر الجريمة بالنص 👌🏻

نفس الجرح والقطع 🩸

وفى نفس المكان بالظبط 

بس مش مرة واحدة ☝🏻 ولا اتنين ✌🏻

دول ثلاثة ✌🏻☝🏻والفرق بينهم أسبوعين 🤷‍♀️


ده واحد بيرجع للسيناريو القديم 🧐

وبيقولنا لو كنتوا نسيتوا أنا مش ناسى زى الباقيين 

وهاخد حق اللى راح حقها من سنين 💪🏻

ما هو مش علشان احنا على قدنا مش هنطالب بحقنا 😌

نفتح تانى التحقيق بس ديه جريمة خلاص انتهى فيها التحقيق وسقط عنها الحكم وملفها اتحفظ فى الأرشيف ..

طيب واحدة واحدة ونربط الأحداث مع بعض 

أكيد اللى وراهم حاجة ربطاهم ببعض 

وسبب موتهم أنهم كان ليهم يد 

ارجع يا " جمال " بيت جدك وعمك اللى هجرته زمان بسبب الخلافات وتعالى على نفسك وتابع التحقيقات ماهى اللى اتقتلت زمان كانت حبك الاول والاخير وهربت وسبت التحقيق

اظن بعد كل السنين ديه أقل رد أنك تتدور على الحق ولو كان فين و تفتح العين وتشوف المصلحة وقتها كانت لمين فى اختفاء أول ضحية فى حيك القديم " الحى الصامت " 


📌 من يصدق أن بيتى البيت الذى عشت به أجمل سنوات عمرى صرت فيه ضيفا بعد كل تلك السنين..


رواية جريمة تشدك من أول صفحة وتخلصها فى قعدة بسيطة فى سردها و مش مكلكعة ..

حبيتها وكانت أول رواية اقراها للكاتبة واعتقد أنها أول كمان عمل ليها 

وهتابع باقى رواياتها أكيد 

رواية تفصل بها بين روايات تقيلة وبالرغم من أنها جريمة لكنى لقيتها خفيفة على القلب 😄💙

عندى بس تعليق على النهاية بس مش هينفع اقوله علشان محرقش الأحداث


نقطة كمان : وبعدين بقى فى الأهالى اللى عاملين مشاكل فى الروايات 🤔 😄 

بلاش تختاروا لأولادكم شكل حياتهم وخاصة فى الزواج وكله علشان الفلوس ماتخرجش برا الجروب 

بتقسموا اولادكم على بنات شركائكم وزيتنا فى دقيقنا وزيادة الخير خيرين 

لو راضين ومنسجمين مفيش مشاكل وربنا يهنى سعيد بسعيدة 

لكن مش فرض وإجبار ولوى دراع 💪🏻 ولو ماسمعتش الكلام ممكن توصل لـ ….. ولا بلاش 🤦🏼‍♀️


📌لعن الله ظلم الآباء والأجداد يظنون أنهم ينتقمون من فرد وهم فى حقيقتهم يجنون على أجيال متتالية بأكملها…


#مكتبة_دنيا 

#قراءات_٢٠٢٣